Астанада Менталдық денсаулық клиникасында токсикоманияны емдеу тәулік бойы амбулаториялық немесе стационарлық режимде жүргізіледі. Жазылу нөмірі 8 (708) 425-25-57
«Токсикомания» дегеніміз не
Токсикомания – есірткі заттарына жатпайтын дәрілік және басқа заттарды қабылдауға айқын құмарлықпен және аурушаң әуестенумен сипатталатын психикалық және мінез-құлық бұзылыстарының жиынтығы.
Бұл бұзылыстар да психологиялық және денелік тәуелділік синдромдарымен, сондай-ақ созылмалы уыттану синдромымен өтеді.
«Токсикомания» терминін негізінен посткеңестік кеңістіктегі психиатр-нарколог дәрігерлер қолданады. Бұл, шамасы, құқық бұзушылықтарды жіктеу үшін есірткі құралдары тобына жатпайтын заттарды ажырату қажеттілігімен байланысты.
Алайда қазіргі уақытта заттарды тұтыну АХЖ -10 бойынша жіктеледі, бұл, біздіңше, толық негізді әрі қисынды.
Токсикоманияның ең кең тараған бірнеше нұсқасы бар. Солардың біріне тұрмыстық және өнеркәсіптік химия құралдарын иіскеу арқылы қолдану жатады. Токсикоманияның бұл түрі «әлеуметке қарсы» өмір салтын ұстанатын балалар мен жасөспірімдерге тән, дегенмен ара-тұра әбден қолайлы отбасылардан шыққан балалар мен жасөспірімдер де кездеседі.
Масаю көзі ретінде әртүрлі лактар, бояулар, еріткіштер, эфир, замазкалар, бензин, пропан, бутан, изобутан, желімнің кейбір түрлері және т.б. пайдаланылады. Балалар оларды әдетте кәдімгі полиэтилен пакет немесе тұтынылатын зат сіңірілген шүберек секілді әртүрлі құралдардың көмегімен иіскейді.
Уыттану жағдайы орталық жүйке жүйесіне әсер ету есебінен пайда болып, эйфория алуға ықпал етеді. Балалар мен жасөспірімдердің көбі тұтынудың негізгі себебі ретінде «мультфильм көру» ниетін атаған.
Қолданылатын заттардың уыттылығына және тұтынушылардың жас болуына байланысты мұндай заттарға тәуелділік тез қалыптасады. Ол зияттың қайтымсыз төмендеуімен қатар жүретін психоорганикалық синдром үдеп, орталық жүйке жүйесінің ауыр зақымдануларының жылдам дамуымен сипатталады.
Токсикоманияның нашақорлықтан айырмашылығы неде?
Нашақорлықтың токсикоманиядан айырмашылығы тек құқықтық құрамдаста: токсикомания – рұқсат етілген заттарға, ал нашақорлық – тыйым салынған заттарға тәуелділік.
Токсикоманияны емдеу қалай өтеді
Пациенттердің жасының кішілігіне, медициналық көмекке кеш жүгінуіне және мүгедектенудің жоғары жылдамдығына байланысты токсикоманияны емдеу үлкен мәселе болып табылады.
Сондай-ақ егде жаста көбірек кездесетін токсикомания нұсқасы бар. Бұл жағдайда масаю көзі ретінде психобелсенді әсері бар әртүрлі дәрілік заттар қолданылады, мысалы: транквилизаторлар, паркинсонизмге қарсы препараттар, холинолитикалық препараттар (циклодол, димедрол, әртүрлі антидепрессанттар), сондай-ақ тыныштандыратын дәрілер.
Токсикоманияның бұл нұсқасы нашақорлықпен немесе ингаляциялық токсикоманиямен салыстырғанда қолайлырақ өтсе де, дәрілік препараттарды теріс пайдалану да денсаулыққа елеулі мәселелер туғызады. Тұтынылатын заттың түріне, жасына және аурудың ұзақтығына қарай емдеу үдерісінде белгілі бір айырмашылықтар бар, алайда емдеудегі мына кезеңдердің болуы іс жүзінде өзгеріссіз қалады:
- Бірінші немесе емді бастау кезеңінде уытты затты тұтыну тоқтатылып, уытсыздандыру терапиясының курсы жүргізіледі.
- Екінші кезеңде дәрілік препараттарды қолданудың негізгі себептерін және тұтынуға құмарлықпен күресу тәсілдерін анықтауға бағытталған жеке психотерапиямен бірге психофармакотерапия жүргізіледі.
- Үшінші немесе қорытынды кезеңде жеке психотерапия ең алдымен аурудың қайталануын болдырмауға бағытталады.
Токсикоманияны емдеу қанша тұрады?
Менталдық денсаулық клиникасының стационарында токсикоманияны емдеудің алғашқы детоксикация кезеңіндегі құны тәулігіне 75 000 тг бастап. Оңалту және амбулаториялық бағдарлама клиникалық жағдайға қарай жеке талқыланады.
Жазылу нөмірі 8 (708) 425-25-57
WhatsApp
Telegram